Saturday, December 31, 2011

තගෙන් බැරිනම් වැඩමුළුවෙන්

     1970 දශකයේ මුල් භාගයේ දී (1973) ලෝක පරිමාණයෙන් මතු වූ ආර්ථික අර්බුදයට විසඳුම් සොයන්නට ධනේශ්වර ක‍්‍රමයේ මුර දේවතාවන් යුහුසුළුව උපක‍්‍රම සොයන්නට විය. එහි දී 1975 දී නයිරෝබි නුවර පැවැත් වූ දේශනයක දී එවකට ලෝක බැංකුවේ සභාපතිවරයා වු රොබට් මැක්නමාරා මෙම අර්බුදයට විසඳුම ලෙස නව ලිබරල්වාදය දේශනා කරන ලදී. එහි ප‍්‍රධානම ක‍්‍රියාමාර්ග ලෙස සමාජ ආරක්‍ෂණ නීති ලිහිල් කිරීම, සමාජ සුබ සාධනයෙන් රජය ඉවත් වීම, නිෂ්පාදන හා සේවාවන් පෞද්ගලීකරණය ආදිය ප‍්‍රමුඛ ක‍්‍රියාමාර්ග ලෙස හඳුනාගත හැක.

Saturday, October 22, 2011

හිසට පරාල ඇණ ගසා තී‍්‍රමා ඝාතනය කර වසර 23 යි.

     2011 ඔක්තෝම්බර් 22 වැනිදාදිනට පද්මසිරි ති‍්‍රමා විතාන සොයුරා ඝාතනය කර වසර 23 ක් සම්පූර්ණ වේ. ලක්ෂ ගණනින් සංහාරයට ලක්වූ සමාජයක් පද්මසිරි ති‍්‍රමාවිතාන සොයුරාගේ ඝාතනය සුවිශේෂී වන්නේ ඔහු ජීවිතය පූජා කළේ මේ රටේ නිදහස් අධ්‍යාපන අයිතිය රැක ගැනීම උදෙසා වන බැවිනි. 1981 දී රාගම දී ආරම්භ කරන ලද උතුරු කොළඹ පෞද්ගලික වෛද්‍ය විද්‍යාලයට එරෙහි සටනේ නියමුවකු වූ තී‍්‍රමා අංකුර කවියෙකි. චිත‍්‍ර ශිල්පියෙකි. ඒ හැමටම වඩා ඔහු සැබෑ මිනිසෙක් විය.

Thursday, September 22, 2011

පෞද්ගලික වෛද්‍ය විද්‍යාලය අර්බුදයක ඇරඹුමද?


     පසුගියදා රුපවාහිනි නාලිකාවක පෞද්ගලික වෛද්‍ය විද්‍යාල සම්බන්ධයෙන් සංවාදයක්‌ පැවැත්විණි. එම සංවාදයට විද්වත්හු හතර දෙනෙක්‌ ද සහභාගි වී සිටියහ. එහෙත් එම සංවාදය නැරඹූ අපට දැකගන්නට තිබුණේ, එම සංවාදය ද සමබර එකක්‌ නොවූ බවයි. එහෙයින් එම සාකච්ඡාව තුළින් අපට යථාවබෝධ වුයේ මාලඹේ වෛද්‍ය විද්‍යාලය තුළින් පිරිනැමීමට අපේක්‍ෂිත උපාධි සහතික පත්, ඒක පාර්ෂිකවම සාධාරණීකරනය කරන්නට වැඩි වාසිය සැලසුන බවයි.

Saturday, September 17, 2011

ඔබ අපේ හදවත් තුළ සදාතනිකය...



              දළුලා වැඩෙන පැතුමන් සුවහස්            හදක
              තළලා දැමිය හැකිවෙද පොඩිකර         ගලක                                මුළුලා නොසිට නැගිටිව් සොයුරනි     නිසැක
              වළලා දමව් පාලක.................................

     ඒ කවියට අවසානයක් ලැබී නැත. ඒ එක් අඳුරු යුගයක, සරසවි සිරගෙවල් කළ යුගයක, මරණයට ගොදුරුව සිටි සොහොයුරන්ගේ රතු ලේ වලින් බිත්තියක් මත ලියැවුණකි. ඒ කවිය අවසන් කිරීමට පෙර පැහැරගෙන ගොස් ඔහුගේ දිවි තොර කළා විය යුතුය. කවියක පද පේළි හතරකට දිගු කරගත නොහැකි වූ ඔහුගේ කය කොහේ හෝ බිමක අළු වී මිහිතලයට යට වී ගොස් හමාරය. එහෙත් ඒ සොයුරන්ගේ සුසුම්, හැඟුම්, පැතුම් යළි යළිත් සදාකල් හමා එන මාරුතයක් සේ අපේ ජීවිත හරහා ඇදී යයි.

     මියෙන බොහෝ මිනිසුන්ට මියෙන දිනයක් ඇත. මරණයට හේතු වූ ස්වාභාවික හේතුවක් ඇත. නෑදෑයින්ට, මිතුරන්ට ඔහු හෝ ඇය වෙනුවෙන් ශෝක වීමට අවමගුල් උත්සවයක් ඇත. මරණයෙන් පසු, ස්මාරක, සොහොන් කොත් ආදී බොහෝ දේ ඇත. තෙමස් පූර්ණ, වාර්ෂික කෙරෙන පිංකම්, දාන-මාන ඇත. එහෙත් ඒ ‘‘ධවල භීෂණයේ’’ නිසල වූ ඒ මිනිසුන්ට ඒ කිසිවක් හිමි වුණේ නැත. එහෙත් සදාතනිකව යුගයක් යුගයක් පාසා සරසවියට එන සෑම සිසුවෙකුගේම, සිසුවියකගේම හදවත් ඔවුන් පිළිබඳ භක්තියෙන්, ආදරයෙන් පිරී ඇත. නිදහස් අධ්‍යාපනයේ වටිනාකමත්, එය රැුකගැනීමට සරසවි සිසුන් කළ අතිශය දුෂ්කර අරගලයත් දන්න හැම මිනිසෙකුගේම සිත් තුළ, හදවත් තුළ දෙදණ බිම හොවන දිනය ජාතික ශිෂ්‍ය වීර දිනයයි.

ළමා අපචාර, විවාහය සහ වයස


     දැනට වයස අවුරුදු 18 ක්ව පවතින විවාහ වන වයස් සීමාව අවුරුදු 15 ක් දක්වා අඩු කිරීමට තමන් යෝජනා කරන බව අමාත්‍ය සෙනෙවිරත්න මහතා පසුගියදා ප‍්‍රකාශ කළේය. ඔහු වැඩිදුරටත් පැවසුවේ හිටපු ජනාධිපතිනියගේ කාලයේ ඊට අනුමැතිය ලැබී තිබුණු නමුත් විවිධ සංවිධානවලින් එල්ල වූ විරෝධය හමුවේ එය ක‍්‍රියාත්මක නොකළ බවයි. නව නීතිය ගෙන ඒමට ප‍්‍රධාන හේතුව ලෙස ඇමතිවරයා දක්වන්නේ, අවුරුදු 18 ට අඩු අයගේ ලිංගික සබඳතා සහ ළමා අපචාර නිසා නඩු විශාල ප‍්‍රමාණයක් තිබෙන අතර එම නඩු ගොඩ අඩු කිරීමට නව නීතිය මගින් හැකි බවයි.

කේන්දරය.....

උපන් මොහොතේ
හරියටම නොදත් නමුත්
දොස්තරට මතක ඇති
වෙලාව අනුව
කිසිදා නොදැකපු
ග‍්‍රහ ලෝකවලට අනුව
හරියටම නොදන්නා
ජොතිෂයකුට දී
සදා නිමකළ
පත් ඉරුවක්
එක් කරන්නට
මහාම විෂ බීජය
ජීවිතයට නුඹේ.....

සංස්කාරක
තෙවන ඇස

‘නායකයෙක්’ යනු පෘෂ්ටිමත් මිනිහෙක් පමණද? (නායකත්ව පුහුණුවට සහභාගී වූ ශිෂ්‍ය ශිෂ්‍යයාවෝ ප‍්‍රශ්න කරති)

නායකත්ව පුහුණුවට සහභාගී වූ ශිෂ්‍යයාවක්,


‘‘සති තුනකින් නායකයෙක් බිහිකරන්න බැහැ. ඒක බොරු කතාවක්. ඒක සිදුවන දෙයක් නෙමෙයි. අනික් කාරණය තමයි නායකත්ව පුහුණුවෙදි අපිට හොඳට කෑම දුන්නා. එතුමා කිව්වෙ කෑම දීලා හොඳට පෘෂ්ටිමත් මිනිහෙක් බිහිකරන එකද දන්නෙ නැහැ. එහෙම නැතුව නායකයෙක් නම් ඒ පුහුණුවෙන් කවදාවත් බිහිවෙන්නෙ නැහැ’’ 


විශ්ව විද්‍යාල සිසුන් වෙනුවෙන් උසස් අධ්‍යාපන අමාත්‍යාංශය ක‍්‍රියාත්මක කරන නායකත්ව පුහුණු වැඩසටහන් වලදී ශිෂ්‍ය ශිෂ්‍යාවන් ගණනාවකටම බරපතල මානසික සහ ශාරීරික හිංසනයන්ට මුහුණ දීමට සිදු වූ බව ශිෂ්‍ය නායකයන් චෝදනා කරනවා. මේ පුහුණුවට සහභාගී වූ නිෂානි මධුෂාණි ශිෂ්‍යාව පසුගිය ජූලි 28 වෙනිදා මරුමුවට පත් වීමේ වගකීම ආණ්ඩුව භාරගත යුතු බවයි අන්තර් විශ්ව විද්‍යාල ශිෂ්‍ය බලමණ්ඩලය පවසන්නේ.

මෙහිදී අදහස් දක්වන අන්තර් විශ්ව විද්‍යාල ශිෂ්‍ය බලමණ්ඩලයේ කැඳවුම්කරු සංජීව බණ්ඩාර සොහුරා,

නැවත කළු ජූලියක් ඇති නොවීමට නම්...

     දිනය 1983 ජූලි 23 වැනිදාය, එදින රාතී‍්‍ර 07 ට පමණ පලාලි හමුදා කඳවුරේ සිට යාපනය දෙසට මුරසංචාරයක යෙදුණු හමුදා රථ පෙළකට කින්නවේලි ආසන්නයේදී එල්ලකළ ත‍්‍රස්තවාදී ප‍්‍රහාරයකින් උපලූතිනන් වාස් ගුණවර්ධන ඇතුලූ හමුදා සෙබළුන් 13 දෙනෙකු එම ස්ථානයේදීම මියගියේය. මෙම ප‍්‍රහාරයේ විශේෂත්වය වූයේ LTTE සංවිධානය සැළසුම් සහගතව ප‍්‍රහාරයක් එල්ල කොට ශී‍්‍ර ලංකාවේ සෙබළුන් මෙතරම් ප‍්‍රමාණයක් මරා දැමුණු පළමු අවස්ථාව නිසා පමණක් නොව, ඛඔඔෑ සංවිධානය ඇතුලූ දෙමළ සන්නද්ධ ව්‍යාපාරයට වසර 30 කට ආසන්න කාලයක් යුද්ධයක් පවත්වාගෙන යාම සඳහා, ලාංකීය දෙමළ සමාජ තුළ මෙන්ම ජාත්‍යන්තරය තුළද ඉඩ විවර කළ ‘‘කළුජූලිය’’ නමැති ලාංකීය සමාජය තුළ මෙවැනි කළු පැල්ලමක් ඉතිරි කළ සිදුවීම නිර්මාණය කිරීමට ආසන්නතම සිදුවීම නිසාය.

කක්කුටු බෙන වසා වක්කඩ බැඳීමට පෙර, වපුරන්න සැරසීම

     ඉස්සර නම් අපේ පුවත්පතේ කී‍්‍රඩා පිටුව සැරසුනේ අපේ රටේ කී‍්‍රඩකයින් යම් තරගයක් ජයගෙන බවට වූ පුවතකින්. නැත්නම් අපේ රටේ යම් කී‍්‍රඩාවක පමණක් නිර්මාණය වී ඇති ගැටලූවක් ගැන. එය බොහෝ විට එතරම් තැකිය යුතු ගැටලූවක් නොවුණ වගේම ගැටලූව හඳුනා ගැනීමද පහසු වුණා. ඒත් අද වන විට එම තත්ත්වයේ ඉඳලා අපට, අපේ රටේ කී‍්‍රඩා ක්ෂේත‍්‍රය දෙස බැලීමට පුළුවන්කමක් නැහැ. තත්ත්වය ඒ තරමටම වෙනස් වෙලා. අද වන විට අපේ රටේ බළධාරීන් කී‍්‍රඩා ක්ෂේත‍්‍රය තුළ අපට නිර්මාණය කරදීලා තියෙන්නෙ තේරුම් ගන්න බැරි ප‍්‍රශ්න කන්දක්.

Saturday, July 30, 2011

අගෝරා (මිත්‍යාවට එරෙහි විද්‍යාවේ අරගලය)

     සිනමා රසවින්දනය යටෙත් අරම්බක ලිපිය වශෙයන් අප ඔබගේ අවධානයට යොමුකරන සිනමා පටය වන Agora ක‍්‍රි.ව. 3 වන සියවස අග සහ 4 වන සියවස මුල රෝම වහල් රාජධානියට සම්බන්ධව තිබූ ඇලෙක්සැන්ඩි‍්‍රයාව තුල දිවි ගෙවන ගණිතඥයෙක්, තාරකා විද්‍යාඥයෙක්, දාර්ශණිකයෙක් ලෙසත් වර්ගකල හැකි Hypatia නම් චරිතය කේන්ද්‍රකරගෙන මෙම චිත‍්‍රපටය ගෙඩනැගී ඇත. Agora යනු ඇලෙක්සැන්ඩි‍්‍රයාව තුල පාලකයින් ඒකරැස් වූ ස්ථානයට එම යුගයේ භාවිතාවු නමයි. සත්‍ය සිදුවමක් මෙම චිත‍්‍රපටයට පාදක වී ඇති අතර මෙය ස්පාඤ්ඤ නිර්මණයකි. ඇමරිකානු ඩොලර් මිලියන 75ක වියදමක් දරා මෙම නිර්මාණය කර ඇති අතර චිත‍්‍රපටය අධ්‍යක්ෂණය Alejancho Amenabar අතින් සිදුවූ අතර Hypatia  චරිතය Rache Weisz අතින් ප‍්‍රතිනිර්මාණය වී ඇත.

Sunday, July 17, 2011

වෛද්‍යවරයාද පොදු අරගලයට එක්විය යුතුද...?

     ඒ 1987 වසරේ දිනයක් බව මට මතක ය. ලිප්ටන් වටරවුම දැඩි හිරු රැසින් දැමුණ ද ඒ නොතකා එහි රැස්ව හුන් සරසවි සිසුන්ගේ සටන් පාඨ ද ගිනි ගනිමින් තිබුණි. නිදහස් අධ්‍යාපනය රැක ගැනීම පෞද්ගලික වෛද්‍ය විද්‍යාලය අහෝසි කිරීම වැනි බොහෝ සටන් පාඨ රැව් නැඟුණු එම දවසේ ප‍්‍රහාරය සඳහා නියෝගය ලැබෙන තුරු කුලූ පොලූ ගත් පොලිස් හමුදාව රැකගෙන සිටියෝ ය. සිසුන්ගෙන් පිරුණු ලිප්ටන් වටරවුම ගමනාගමනයට මුළුමනින්ම නැවතීමේ තිත තැබී ය. සිදුවන්නේ කුමක් දැයි අවට රැස්වූවන් විපිළිසරව හිඳිද්දී එක්වරම ප‍්‍රහාරය ඇරඹුණි.

     කඳුළු ගෑස්, බැටන් ප‍්‍රහාර, සටන් පාඨ පහරදීම් ඇද වැටීම් තුවාල, ළතෝනි, කුණුහරුපයෙන් බැණවැදීම් යනාදියෙන් සංකලනය වූ මහා වියවුලක් එක් මොහොතක නිර්මාණය වූවේ ය. පහරකමින් වුව සිය

Friday, July 1, 2011

හමුදාව, සර්ලා සහ සරසවි සිසුන්

     මා ඇතුළත් වූ කඳවුර සදහා පැමිණි සිසුන්ගේ දෙමව්පියෝ සර් සර් කියමින් හමුදා නිලධාරීන් ඉදිරියේ වැඳ වැටුණහ. උදෑසන ලියාපදිංචි වීම සඳහා පෝලිම් සෑදී සිටියෙදී ක්ලාන්ත වුණු ගැහැණු ළමයෙකු හමුදා කඳවුරු ඇතුළට ගෙන ගියේ දෙමාපියන්ගේ බලවත් විරෝධය මැදය. ඒ අසරණ දෙමාපියෝ හඬ හඬා සවස 5 වන තුරුත් තම දියණිය පිළිබඳ යම් තොරතුරක් දැන ගැනීමේ අපේක්ෂාවෙන් ගේට්ටුව අසල රැඳී සිටියහ.

Thursday, June 23, 2011

අතීතය.........

හන්තාන අඩවියේ
 

                    මැදුරු කුළුණු සුදු සඳළුතලා පිස
 

                                       මේ එන්නේ
 

                                                      පේ‍්‍රමයේ සුවඳ නොවේ.......

      මහාචාර්ය සුනිල් ආරියරත්නයන් තම කවි සිත කම්පනය කළ අතීතයේ එක් අඳුරු හෝරාවක ලේවැකි මතකය ඉහතින් අපි සඳහන් කරපු නිර්මාණය හිස් පිටුවක පෙළ ගස්වනකොට තොර්ගත්ත වචන එක්ක අපිට එකඟ වෙන්න අමාරුයි. ඔබ දැන් ප‍්‍රශ්න කරන්නේ ඒ ඇයි? කියලා නම් අපි අපේ සාකච්ඡාව නියම තැනින් පටන් අරගෙන.

Monday, June 13, 2011

ඔබත් මා වගේ නම් (මාටින් නීමෝලර් නැවත කියවීම)

සංවේදී පියා ලෙස නම් දැරූ රජතුමා
සිය බැටලූ හම ඉවත දමා
ස්වකීය ලේ වැකි නිය ද
තාමත් අමු ලේ ගඳ ගසන මුව සහ දත් අයා
දින දින පාසා වීථි සංචාරය කළේය...

ඔහු පළමුව සොයා ආවේ මාධ්‍යවේදීන්ය
ඔහුට නොරිසි දේ සඳහා
පෑන හා තෙලිතුඩ මෙහෙයවුවන්
සුදු වෑන් දොරින් අතුරුදහන් කළේය
මා කිසිවක් නොකීමි......

Tuesday, June 7, 2011

කංසාලංකාරය....

පහළ ඌවේ බිම්
එකළ ගොයමින් පිරි බිම්
ඉසුරින් සපිරි බිම්
රත්තරං සේ වටින ගොවි බිම්

වියළි දඬු පැළවෙන
මේ රන් පොළොව සසොබන
වනසන්ට දත කන
උන්නෙ පවතකි මෙසේ ලියැවෙන

Friday, June 3, 2011

නිදහස් අධ්‍යාපනය සුරුකීමේ ජාතික මධ්‍යස්ථානයක් අද දවසේ වැදගත්වන්නේ ඇයි.....?

     පාසල්, කාර්මික අධ්‍යාපන ආයතන හා විශ්වවිද්‍යාල යන ක්ෂේත‍්‍ර තුනක දායකත්වය ඇතුව මූලිකව ක‍්‍රියාත්මකවන අධ්‍යාපනය රටේ විවාද සම්පන්න මාතෘකාවක් බවට පත්ව ඇත. ඊට හේතුව පාලකයන් සිසුන්ට හිමි අධ්‍යාපන අයිතිය විවිධ ආකාරයෙන් උදුරා ගැනීමට කටයුතු කිරීමත්, සිසුන් එය ආරක්ෂා කරගැනීමට අරගල කිරීමත් ය. වර්තමානයවන විට පාසල්, කාර්මික අධ්‍යාපනය සේම විශ්වවිද්‍යාල අධ්‍යාපනයේත් බරපතල ගැටළු රැසක් නිර්මාණය වී ඇත.

    පාසල් අධ්‍යාපනයේ ඇති ගැටළුව හඳුනා ගැනීමට පසුගිය ජුලි පාර්ලිමේන්තුවට ඉදිරිපත් කළ අයවැය ලේඛනයෙන් පාසල් සඳුහා මුදල් වෙන්කළ ආකාරය වටහා ගැනීම පමණක් ප‍්‍රමාණවත් වේ. එකී විෂමතාවය පිළිබඳව  වෙසෙසින් සැලකිලිමත් විය යුතුය. පහත වගුවෙහි සඳහන් වන්නේ ජාතික පාසල් හා ඉතිරි අනෙකුත් පාසල් (පළාත් සභා පාසල්) වලට මුදල් වෙන් කිරීම සිදුකර ඇති අසාධාරණ ආකාරයයි.
 

බඹර වලල්ල....

     ලාංකේය සිනමාවේ අවසන් කටයුතු කර හමාරය. එහි පාංශුකූලය දීම කඩින් කඩ සනිටුහන් වේ. පසුගිය දිනක කොළඹ මහජන පුස්තකාල ශ‍්‍රවණාගාරයේ දී චූලානන්ද සමරනායක මහතා එසේ පැවසීය. ඒ තරුණ නවරැල්ල සංවිධානය කළ ‘‘බඹර වළල්ල’’ සිනමා සංවාදයේදී ය. සැබවින්ම ලාංකේය සිනමාව විශේෂයෙන් සිංහල සිනමාව (සෙසු ජාතිකත්වයන් ලාංකීය කලා ක්ෂේත්‍රයට වන සහභාගීත්වයේ පසුගාමීකම හා ඒ සඳහා වන අනුග‍්‍රහයේ දිළිඳුකම නිසාම) ශේෂ වී ගිය නටඹුන්වල මතකය පමණක් ඉතිරි කරගෙන සිටී. ගාමිණී ෆොන්සේකා, විජය කුමාරතුංග, මාලනී ෆොන්සේකා, ස්වර්ණාගෙන් පසුව ලංකාවේ සිනමා වංශකතාව වඳවී ගියේය. හතු පිපෙන්නා සේ කඩින් කඩ අශෝක හඳගම, ප‍්‍රසන්න විතානගේ, ජයන්ත චන්දාසිරි මගින් නිර්මාණය වන නිර්මාණයකින් දෙකකින් සිනමාහල්කරුවන් සිය සිනමා ශාලාව ටියුෂන් පන්තියකට හෝ වෙනත් ගබඩාවකට භාවිත කිරීම නවතා ගනී.

ඔබත් සක්විති කෙනෙකු විය නොහැකිද?

   අද ඉරිදා දිනයක් වූයෙන් විශ්වවිද්‍යාලය තුළ දේශන සඳහා සම්බන්ධ වීමට අවශ්‍ය නොවීය. නිවාඩු දිනයන්හි ටිකක් වැඩිපුර නිදාගැනීමට පුරුදු වී සිටි මා හට අවදි වන විට පෙරවරු 9.00 පසු වී තිබීම පුදුම වීමට කරුණක් නොවීය. උදේට මොනවා හෝ ගිලදැමීම සඳහා කැන්ටිමට ගිය මා හට මිතුරන් කිහිපදෙනෙකු සමඟ එක්ව කැන්ටිමේ අම රස උදේ ආහාර වේලේ රස බැලීමට හැකි විණි. ආහාරයෙන් පසුව පත්තර ඇති ප‍්‍රදේශයට අප ඇදුනේ යම් වේලාවක් පත්තර පිටු අතර තොරතුරු ගවේශණයට අප හුරු පුරුදු වී සිටි නිසාවෙනි. පුවත්පතේ පලව තිබූ ලිපි කීපයක් වෙත මගේ අවධානය යොමු විනි.

පළමු ලිපිය

    මේ වන විටත් රටේ මුදල් කෝටි ප‍්‍රකෝටි ගණනක් වංචා කොට සැඟව සිටි සක්විති පොලිසියට කොටු වීමට අදාළව මෙම ලිපිය ලියවී තිබුණි. මුදල් වංචා කර ඔහු ගත කළ ජිවිතය ගැන විස්තර කර තිබුණු මෙම ලිපිය තුළ ඔහු අත්අඩංගුවට රැගෙන යන ඡායාරූපයක්ද විය
.

Monday, May 16, 2011

හොස්ටල් එක.....

     දැන්නම් ඉතින් නියමයි නේද? ආධාර විදිහට හරි අනුනුගේන් ලැබුන හොස්ටල්ටික නිසා. අපේ පරණ සහෝදර සහෝදරියන්ටනම් මතක ඇති ඒ කාලෙ අපි කාපු කට්ට. බුදු අම්මෝ, මතක්වෙනකොටත් මොකක්ද මොකක්ද වගේ.

     ෆැකල්ටියට ගවු ගානක් ඈතින්, මහා කැලෑ මැද සල්ලිවලට ගත්තු පාලූ ගෙවල් හොස්ටල් කරල අපට දීලතිබ්බ හැටි. ඒකාලෙ දවසෙ ලොකුම ගේම තමයි ෆැකල්ටි යනඑකයි හොස්ටල් එන එකයි. කෑම ගන්න තැනක් නෑ, ගොඩක් දවසට වතුර නෑ, හිටිහැටියෙම කරන්ට් යනව එදාට ඉතින් බඩුම තමයි, ඒ මදිවට කරවල්ලූ මාපිල්ලූ මදුරුවො, පොතක් තියාගෙන හරියට වාඩිවෙලා කියවන්න තැනක් නෑ, කුකුල් කූඩුවක වගේ හිරවෙලා, රූම් එකක 6 - 8 ක් විතර, හැමදාම හොස්ටල් එකේ බාගයකට විතර මොකක්හරි ලෙඩක්, ඒ මදිවට හොරු සෙරෙප්පුකෑලිදෙකවත් පරිස්සම්කරගන්න බෑ හොරු උස්සනව, මේ සේරමත් එක්ක හොල්මනුත් තිබිබලූ, ඒව දැකපු උන් කියන කතා අහල අනික්උනුත් ඉලියට බහින්නෙ නෑ. බැස්සත් බැස්සෙ සෙට්එක පිටින්මයි.